«ཏང་གི་མང་ཚོགས་ལམ་ཕྱོགས་སློབ་གསོའི་ལག་ལེན་བྱ་འགུལ་སྤྱི་བསྡོམས་ཚོགས་ཆེན་སྟེང་གི་གསུང་བཤད»

       ཏང་ཡོན་དང་ལས་བྱེད་པའི་ངོས་ནས་བཤད་ན། བསམ་བློའི་ཐད་ཀྱི་ཉམས་ཞན་ནི་ནད་འགྱུར་ཚབས་ཆེ་ཤོས་ཤིག་ཡིན་ཞིང་། “སྤྱིའི་གཅུས་སྒོ”དམ་པོར་མ་གཏན་པ་དང་། གཞུང་སྒེར་གྱི་འབྲེལ་བ་ཡང་དག་པར་ཐག་གཅོད་བྱེད་མི་ཐུབ་པ། ཡང་དག་པའི་ཡིན་མིན་གྱི་ལྟ་བ་དང་། བདེན་ཁེའི་ལྟ་བ། དབང་ཆའི་ལྟ་བ། ལས་དོན་གྱི་ལྟ་བ་བཅས་མེད་པས། ལམ་ཁ་ཡག་པོར་མི་སྐྱོད་ཅིང་མི་ལེགས་པའི་ཆ་བརྡོལ་བར་གཡོལ་ཐབས་མེད་པ་རེད། བསམ་བློའི་ཐད་ཚུན་གང་ལྷོད་ན། བྱ་སྤྱོད་ཐད་ཁྲེ་གཅིག་ཐོར་སྲིད། བསམ་བློའི་ངོས་འཛིན་སྐབས་ཤིག་ལ་ཐག་གཅོད་བྱས་པ་དེས་གཏན་དུ་ཐག་གཅོད་བྱས་པ་མ་ཡིན། ཁང་པ་རྒྱུན་དུ་གད་བདར་བྱེད་དགོས་པ་ནང་བཞིན། བསམ་བློའི་ཐད་ཀྱི་ས་རྡུལ་ཡང་རྒྱུན་དུ་གཙང་སེལ་བྱེད་དགོས། མེ་ལོང་ནམ་རྒྱུན་དུ་ལྟ་བ་དང་གྱོན་གོས་ནམ་ཡང་ཡག་པོར་གོན་དགོས། རྡུལ་གྱིས་གཡོགས་ན་འཁྲུད་དགོས་པ་དང་། ནད་སྐྱོན་བྱུང་ན་ནད་བཅོས་བྱེད་དགོས།