རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་ཁྲུན་ཆིན་འཐུས་ཚབ་ཚོགས་པའི་གྲོས་ཞིབ་ནང་ཞུགས་དུས་ཀྱི་གསུང་བཤད།

       དོན་དག་ཆུང་ཆུང་དང་གནད་དོན་ཆུང་ཆུང་ནི་མེ་ལོང་ཞིག་ཡིན། དོན་དག་ཆུང་ཆུང་དང་གནད་དོན་ཆུང་ཆུང་གི་ནང་དུ་ཏང་གཤིས་དང་། རྩ་དོན། མི་གཤིས་བཅས་ཡོད། “དོན་ཆུང་ཡིན་ཡང་མ་གཟབ་ན། དོན་ཆེན་འབྱུང་བའི་རྐྱེན་དུ་འགྱུར”ཞེས་པའི་གནའ་བོའི་བསླབ་བྱ་བློ་ལ་བརྟན་པོར་བཟུང་སྟེ། དོན་དག་ཆུང་ཆུང་དང་གནད་དོན་ཆུང་ཆུང་གི་ཐོག་ནས་བློ་སྦྱོང་བྱེད་ཤུགས་ཆེ་རུ་གཏོང་རྒྱུ་རྒྱུན་འཁྱོངས་བྱས་ཏེ། ཕྲན་ཚགས་ཀྱི་ཐོག་ནས་རང་ཉིད་འཐུས་ཚང་དུ་གཏོང་བ་དང་། བློ་སྦྱོང་ནན་པོ་དང་། སེམས་པ་འདྲོང་ཞིང་གནས་ལུགས་རྟོགས་པ། སྐྱོན་རྩ་ཆུང་ལྡོག་བཅས་བྱས་ཏེ་དུས་དང་རྣམ་པ་ཀུན་ཏུ་མི་དམངས་ཀྱི་གཞུང་ཞབས་པའི་རང་མདངས་མཐའ་འཁྱོངས་བྱེད་དགོས། རང་གཟབ་དང་། སྔ་ཟོན། ཆུང་ཟོན། འདོད་ཟོན་བཅས་བྱེད་པ་དང་། རང་ཉིད་ཚོད་འཛིན་གྱི་འདུ་ཤེས་དང་ནུས་པ་གསོ་སྐྱོང་དང་ཇེ་དྲག་ཏུ་བཏང་ནས། “སེམས་ནི་ཁེ་སྤོགས་ཆུང་ཆུང་གི་བསླུ་བྲིད་ལ་མི་འགུལ་ཞིང་། མིག་ནི་ཚོན་ལྡན་སྣ་ལྔའི་བསླུ་བྲིད་ལ་མི་འཐོམ་པར”བྱེད་དགོས།