ཀྲུང་དབྱང་ཆབ་སྲིད་ཅུའི“ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་བའི”ཆེད་དོན་དམངས་གཙོ་འཚོ་བའི་ཚོགས་འདུ་སྟེང་གི་གསུང་བཤད།

       ཐོག་མཐའ་བར་གསུམ་དུ་ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་རྒྱུ་དེ་ངེས་སྦྱོང་དང་རྒྱུན་དུ་སྦྱོང་དགོས་པའི་སློབ་ཚན་དུ་བརྩིས་ཏེ། ཐོག་མའི་བསམ་འདུན་རྟག་ཏུ་འདྲི་བ་དང་སྲུང་སྐྱོང་བྱས་ཏེ། དུས་ཐོག་ཏུ་ཡལ་ག་དང་ལོ་མ་འབྲེག་པ་དང་། ཀལ་གསབ་རུས་གསོ་བྱེད་ཅིང་། ཕུགས་བསམ་དང་དད་སེམས་གྱི“སྤྱིའི་གཅུས་སྒོ”བརྟན་པོར་འཛིན་དགོས། ཡིན་མིན་བདེན་རྫུན་གྱི་མདུན་དུ་དར་ཆ་གསལ་བོར་སྒྲེང་བ་དང་། དཀའ་ཁག་ལ་ཉམས་སད་ཐེག་པའི་མདུན་དུ་འཇིགས་སྣང་ཅི་ཡང་མེད་པ། བསླུ་བྲིད་སྣ་ཚོགས་ཀྱི་མདུན་དུ་ལངས་ཕྱོགས་བརྟན་པོ་བཅས་བྱས་ཏེ། གནད་འགག་གི་དུས་སུ་ཏང་གིས་ཡིད་ཆེས་ཐུབ་པ་དང་། བློ་གཏོད་ཐུབ་པ། སེམས་བདེ་ཐུབ་པ་བཅས་བྱེད་དུ་འཇུག་དགོས།