ཟླ9པ་ནས་ཟླ10པའི་བར་ཨེ་ཤེ་ཡའི་ལུས་རྩལ་འགྲན་ཚོགས་སྐབས19པ་དང་ཨེ་ཤེ་ཡའི་དབང་པོ་སྐྱོན་ཅན་གྱི་ལུས་རྩལ་འགྲན་ཚོགས་སྐབས4པ་ཧང་ཀྲོའུ་གྲོང་ཁྱེར་དུ་འཚོགས་རྒྱུ་ཡིན་པ་དང་།ཚོགས་ར་ཡོངས་སུ་ལྗང་མདོག་གི་གློག་ནུས་སྤྱོད་རྒྱུ་ཡིན་པ་རེད།ཟླ7པའི་ཚེས9ཉིན་ནུབ་མཚོ་སྨྱན་སྦྱོར་གྱི་གསར་འགོད་པས་ཀྲུང་གོ་ཉིང་རྡུལ་ནུས་པའི(མཚོ་སྔོན)ནུས་རྒྱུ་ཚད་ཡོད་ཀུང་སི་ནས་རྒྱུས་ལོན་པ་ལྟར་ན།ཀུང་སི་དེས་ཨེ་ཤེ་ཡ་ལུས་རྩལ་འགྲན་ཚོགས་ལ་ཆན་ཝ7000ལས་བརྒལ་བའི་ལྗང་མདོག་གློག་ཤུགས་ཐེངས་དང་པོ་གཏོང་རྒྱུ་ཡིན་པ་དང་།ཚང་མ་མཚོ་ལྷོ་བོད་རིགས་རང་སྐྱོང་ཁུལ་དུ་ཐོན་པའི་ལྗང་མདོག་གློག་ཤུགས་ཡིན་པ་རེད།...

འོས་འགན་སློབ་གསོའི་སློབ་ཁྲིད་གཟའ་འཁོར19ལས་ཉུང་མི་རུང་བ་དང་མཐོ་འབྲིང་གི་སློབ་ཁྲིད་གཟའ་འཁོར20ལས་ཉུང་མི་རུང་བའི་བླང་བྱ་དོན་འཁྱོལ་བྱས་ཏེ།འོས་འགན་སློབ་གསོ་སློབ་གྲྭའི་དབྱར་གནང་ནི་ཟླ7པའི་ཚེས12ལས་སྔ་མི་རུང་བ་དང་།མཐོ་འབྲིང་གི་དབྱར་གནང་གཏོང་བའི་དུས་ཚོད་ཟླ7པའི་ཚེས19ལས་སྔ་མི་རུང་།བྱིས་གཉོར་ཁང་དང་དམིགས་བསལ་སློབ་གྲྭའི་དབྱར་གནང་གི་དུས་ཚོད་རྫོང་རིམ་པའི་སློབ་གསོ་སྲིད་འཛིན་སྡེ་ཁག་གིས་དོན་དངོས་གནས་ཚུལ་ལ་གཞིགས་ནས་གཏན་འཁེལ་བྱ་དགོས།དེ་བཞིན་དུ་མཐོ་འབྲིང་གི་མཐར་ཕྱིན་ལོ་རིམ་ཕུད།སློབ་གྲྭས་ལོ་རིམ་གཞན་དག་གི་དབྱར་གནང་དུས་ཚོད་བེད་སྤྱད་ནས་གཅིག་བསྡུས་རྩ་འཛུགས་ཐོག་གསབ་ཁྲིད་བྱ་མི་རུང་ཞིང་།མཐོ་གསུམ་མཐར་ཕྱིན་ལོ་རིམ་གྱི་གསབ་ཁྲིད་དུས་ཚོད་ཀྱང་དབྱར་གནང་གི་དུས་ཚོད་ཀྱི་སུམ་ཆའི་གཅིག་ལས་བརྒལ་མི་རུང་།2023ལོའི་སྟོན་དུས་ཀྱི་སློབ་གྲྭ་ཆུང་འབྲིང(བྱིས་གཉོར་ཁང)གི་སློབ་འགོ་རྩོམ་པའི་དུས་ཚོད་ཟླ9པའི་ཚེས1ཉིན་ལས་འཕྱི་མི་རུང་།གཞན་ས་ཁུལ་སོ་སོས་སློབ་འགོ་རྩོམ་པའི་དུས་ཚོད་གང་འདོད་དུ་ཕྱི་འགྱངས་བྱ་མི་རུང་ངོ་།།...

མིག་སྔར་རྒྱལ་ཡོངས་ནི་བདུན་པའི་ཟླ་སྨད་དང་བརྒྱད་པའི་ཟླ་སྟོད་ཀྱི་ཞོད་འགོག་གནད་འགག་གི་དུས་སྐབས་སུ་སླེབས་ཤིང་།གཙང་བོ་ཆེན་པོ་བདུན་གྱི་བཞུར་རྒྱུད་དེ་ཕྱོགས་ཡོངས་ནས་ཆུ་འབྲུབ་པའི་དུས་སྐབས་སུ་སླེབས་རྒྱུ་ཡིན་ལ།འབྲི་ཆུ་དང་ཧོའེ་ཧི།ཐའེ་ཧུའུ་དང་སུང་ལེའོ་སོགས་བཞུར་རྒྱུད་དུ་ཞོད་སྐྱོན་གྱི་ཉེན་ཁ་ཆེན་པོ་གནས་ཡོད།རྒྱལ་ཁབ་ཞོད་ཐན་སྔོན་འགོག་སྤྱི་ཁྱབ་བཀོད་འདོམས་པུའུ་དང་འཕྲལ་བསྟུན་དོ་དམ་པུའུ།ཆུ་བེད་པུའུ་སོགས་འབྲེལ་ཡོད་སྡེ་ཁག་གིས་སྤྱི་འདོམས་མཐུན་སྦྱོར་ལ་ཤུགས་སྣོན་དང་གྲོས་ཞིབ་བརྡར་གཅོད་ཇེ་དྲག་ཏུ་བཏང་སྟེ་བརྟག་བཤེར་ཚད་ལེན་དང་ཉེན་ཟོན་ལེགས་པོར་བསྒྲུབས་ནས།གནད་འཁེལ་སྒོས་གཙོ་གནད་ས་ཁུལ་གྱིས་ཆུ་བོ་ཆུང་འབྲིང་གི་ཆུ་ལོག་དང་ཆུ་མཛོད་ཆུང་འབྲིང་ལ་ཉེན་ཁ་ཤོར་བ།གྲོང་ཁྱེར་ནང་ཁུལ་གྱི་ཞོད་སྐྱོན་སོགས་གནོད་སྐྱོན་འགོག་ཟོན་བྱ་བ་ལེགས་པོར་སྒྲུབ་པར་མཛུབ་སྟོན་བྱས་ཏེ་ནུས་ཤུགས་ཡོད་རྒུས་ཉེན་སེལ་རྒུད་སྐྱོབ་བྱེད་དགོས།...

ཙོང་ཆུའི་རིག་གནས་འགྲེམ་སྟོན་བྱེད་པ་བརྗོད་དོན་དུ་བཟུང་ཞིང་།སྤྱི་བསྡོམས་པས་མ་དངུལ་སྒོར་དུང་ཕྱུར3.01བཏང་ནས་བཟོ་སྐྲུན་བྱས་པའི་ཙོང་ཆུའི་རིག་གནས་རྟེན་མཛོད་ཁང་ནི་ཕྱིའི་བཟོ་སྐྲུན་ལ“ཙོང་ཆུའི་རྒྱུད་ཀྱི་བཟོ་སྐྲུན་ཁྱད་ཆོས”རྒྱུན་འཛིན་དང་གསར་གཏོད་ཀྱིས་བཞེངས་ཏེ།ར་སྐོར་དང་གཞིས་གྱང་དང་ཁྱམས་ར་སོགས་ལ་ཙོང་ཆུའི་བཟོ་སྐྲུན་རིག་གནས་ཀྱི་ཁྱད་ཆོས་བླངས་ཡོད།རྟེན་མཛོད་ཁང་ལ“མདུན་ཁང”དང“འགྲེམ་ཁང་ཆེན་པོ་བཞི”དང“ཁང་ལག་བཅུ་གསུམ”བཅས་སུ་དབྱེ་ཡོད་ལ།“འགྲེམ་ཁང་ཆེན་པོ་བཞིར”བཀྲམ་པའི་གནའ་རྫས་དག་གིས“རྫ་ཆས་དང་འཐེན་ཐུག་ཀྱི་ཕ་ས།གཙགས་དྲུབ་ཀྱི་མགོ་ཁུངས་དང་བདུད་རྩི་བསྙལ་ས་མཚོ་ཤར”བཅས་ཀྱི་ཐུན་མོང་དང་ཐུན་མོང་མ་ཡིན་པའི་མཛེས་སྡུག་དེ་སྟོན་བཞིན་ཡོད།རྒྱུས་ལོན་པ་ལྟར་ན།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མངགས་བཅོལ་གལ་ཆེན་ལག་ལེན་དུ་བསྟར་སའི་རྟེན་གཞི་དང་།ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བཟོ་སའི་སྟེགས་བུ།མི་རིགས་མཐུན་སྒྲིལ་ཡར་ཐོན་གྱི་གསར་སྐྲུན་བྱ་འགུལ་བཅས་ཀྱི་ཁུར་གཅིག་ཏུ་བླངས་པའི་རྟེན་མཛོད་ཁང་འདི་ཉིད་ཟླ་བདུན་པར་སྒོ་འབྱེད་རྒྱུ་རེད།...

རིམ་ཁག་ཏང་ཨུད་དང་སྲིད་གཞུང་གིས་འབྲུབ་འགོག་གནོད་སེལ་གྱི་འགན་འཁྲི་གཙོ་བོ་ཁྱོན་ཡོངས་ནས་དོན་འཁྱོལ་བྱས་ཏེ།རིམ་ཁག་འགོ་ཁྲིད་ལས་བྱེད་པས་འཕྲལ་སྒྲུབ་ལས་རེས་དང་མདུན་ཕྱོགས་སུ་བཀོད་འདོམས་བྱ་རྒྱུར་ཤུགས་སྣོན་རྒྱག་པ།མི་དམངས་གོང་མའི་གོང་དུ་བཀུར་བ་དང་ཚེ་སྲོག་རྩ་བའི་རྩེ་ལ་འཛིན་པ་མཐའ་འཁྱོངས་བྱེད་པ།ས་སྲུང་གི་འགན་འཁྲི་ཡོད་པ་དང་ས་སྲུང་གི་འགན་འཁྲི་འཁུར་བ།ས་སྲུང་གི་འགན་འཁྲི་འཁུར་དགོས་ངེས་བཅས་ཀྱིས་མི་དམངས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་འགན་ལེན་བྱ་རྒྱུ་ཨང་དང་པོར་བཞག་ནས།འབད་བརྩོན་ཆེན་པོས་རིགས་ཁག་གི་གྱོང་གུན་ཆེས་ཆུང་ཤོས་སུ་གཏོང་དགོས་པའི་བླང་བྱ་བཏོན་གནང་འདུག...

དབྱར་གནང་འཆར་ཉེར་ཡོད་པའི་སྐབས་འདིར།དགེ་རྒན་དཔུང་ཁག་གི་དགེ་རྒན་གྱི་ཀུན་སྤྱོད་འཛུགས་སྐྱོང་ལ་སྐུལ་འདེད་ཏན་ཏིག་གཏོང་བ་དང་།གནད་དོན་ཞུ་གཏུག་སྔར་བས་སྟབས་བདེ་བ།སྤྱོད་གཙང་གཞུང་དྲང་གི་སློབ་གསོའི་ཁོར་ཡུག་ལེགས་པོ་བཅས་བསྐྲུན་ཆེད།ཞིང་ཆེན་སློབ་གསོ་ཐིང་གིས«ཞིང་ཆེན་ཡོངས་ཀྱི་སློབ་གསོའི་ཁོངས་གཏོགས་སུ་དགེ་རྒན་གྱི་ཀུན་སྤྱོད་གཅིག་སྡུད་ཐོག་སློབ་སྦྱོང་དང་།དགེ་རྒན་གྱི་ཀུན་སྤྱོད་ཆེད་དོན་བཅོས་སྒྲིག་བྱ་བའི་སྐོར་གྱི་ལག་བསྟར་ཇུས་གཞི»ཡི་འབྲེལ་ཡོད་བླང་བྱ་གཞིར་བཟུང་སྟེ།ཉིན་ཤས་བསྟུད་མར་ཞིང་ཆེན་ཡོངས་ཀྱི་རིམ་པ་དང་ས་གནས་ཁག་གི་སློབ་གསོའི་སྡེ་ཚན་དང་སློབ་གྲྭས་དགེ་རྒན་གྱི་ཀུན་སྤྱོད་གནད་དོན་ཞུ་གཏུག་དང་ཐེར་འདོན་བྱེད་ས་གཅིག་རྗེས་གཉིས་མཐུད་ངང་ཁྱབ་བསྒྲགས་བྱས་ཏེ།ཁྱིམ་བདག་དང་སྤྱི་ཚོགས་ཀྱི་ལྟ་སྐུལ་དང་ལེན་བྱ་དགོས།...

ས་ཞིང་འགན་གཙང་ལེན་མཁན་ལ་འགན་གཙང་ལེན་བྱས་པའི་ས་ཞིང་སྟེང་དུ་ཞིང་ལས་ཐོན་སྐྱེད་སོགས་བྱ་འགུལ་སྤེལ་བའི་དབང་ཆ་ཡོད་ཅིང་།ཡིན་ན་ཡང་ཆོག་མཆན་མ་ཐོབ་པར་ཞིང་ལས་མིན་པའི་འཛུགས་སྐྲུན་བྱས་མི་ཆོགརང་རྒྱལ་གྱི«དམངས་དོན་ཁྲིམས་གཞུང»གི་དོན་ཚན331པའི་གཏན་འཁེལ་ལྟར་ན།“ས་ཞིང་འགན་གཙང་ལེན་མཁན་གྱིས་ཁྲིམས་ལྟར་འགན་གཙང་ལེན་བྱས་ཏེ་བདག་གཉེར་བྱེད་པའི་རྨོ་ཞིང་དང་ནགས་ས།རྩྭ་ས་སོགས་ལ་བདག་བཟུང་དང་བེད་སྤྱོད།ཁེ་ཕན་ལེན་པའི་ཁེ་དབང་ཡོད་པ་དང་།འདེབས་འཛུགས་ལས་རིགས་དང་ནགས་ལས།ཕྱུགས་ལས་སོགས་ཞིང་ལས་ཐོན་སྐྱེད་བྱེད་དབང་ཡོད”ཅེས་བཀོད་ཡོད།རང་རྒྱལ་གྱི«ཞིང་སྡེའི་ས་ཞིང་འགན་གཙང་ལེན་བཅའ་ཁྲིམས»ཀྱི་དོན་ཚན17པའི་གཏན་འཁེལ་ལྟར་ན།“འགན་གཙང་ལེན་མཁན་ལ་གཤམ་གྱི་ཁེ་དབང་འདི་དག་ཡོད་དེ།...

ཉེ་སྔོན།ཡུས་ཧྲུའུ་གྲོང་ཁྱེར་ལོ་རྒྱུས་རིག་གནས་ཞིབ་འཇུག་ཁང་གིས་ཀླད་ཡུལ་གྲོང་པའི་ཀླད་ཡུལ་ཚང་གི་ཁང་རྙིང་དུ་ལྡེབས་རིས་གསར་དུ་རྙེད་ཡོད་པའི་གནས་ཚུལ་གོ་ཐོས་བྱུང་བ་དང་།2023ལོའི་ཟླ6པའི་ཚེས26ཉིན་ཆེད་དུ་ཡུས་ཧྲུའུ་གྲོང་ཁྱེར་ཨ་ཁྲོ་ཡུལ་ཤོག་གི་བྲག་བརྐོས་རི་མོ་ལ་རྟོག་ཞིབ་བྱེད་པའི་དུས་དང་འཁེལ་སྟབས།ཞོར་དུ་ཀླད་ཡུལ་གྲོང་པའི་ཀླད་ཡུལ་ཚང་གི་ཁང་རྙིང་དུ་ཡང་སྙིང་ཅི་ཞིག་འདུག་ལྟ་རུ་སོང་བ་ཡིན།ཁང་རྙིང་དེ་ཡུས་ཧྲུའུ་གྲོང་ཁྱེར་ཨ་ཁྲོ་ཡུལ་ཤོག་ཀླད་ཡུལ་གྲོང་པའི་ཁོངས་གཏོགས་ཀྱི་འབྲི་ཆུའི་འགྲམ་ངོགས་སུ་བསྐྲུན་འདུག་ལ།ཁང་པའི་འཛུགས་སྐྲུན་ལ་ཐོག་མའི་ཚད་ལེན་ཞིབ་དཔྱད་བྱས་མཐར།ད་ཡོད་འཛུགས་སྐྲུན་གྱི་ས་ངོས་ཟིན་ཚད་ནི་སྲིད་ལ་སྨི18དང་ཞེང་ལ་སྨི17དང་རྒྱ་ཁྱོན་ལ་སྨི་གྲུ་བཞི་མ300ཙམ་དང་།མཐོ་ཚད་སྨི9ཙམ་གྱི་བརྩེགས་གསུམ་ཅན་ཞིག་རེད་འདུག་ལ།ཁང་པའི་རྒྱུ་ཆ་གཙོ་བོ་ནི་ཤིང་དང་རྡོ།ས་བཅས་རེད།...

ཉེ་ཆར།རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པ་གྲགས་ཅན་ཟླ་བ་གྲགས་པར་མཁལ་ནད་དང་།གློ་ཚད།ཁྲག་ཤེད་མཐོ་བའི་ནད་སོགས་ཀྱིས་མནར་ནས་སྔ་ཕྱིར་ཟི་ལིང་དང་།ནན་ཅིན།ཁྲིན་ཏུའུ་སོགས་སུ་གསོ་བཅོས་བྱས་ཤིང་།ད་ལྟ་མཁལ་མ་བརྗེ་སྤོར་གྱི་དུས་ལ་ཐུག་པ་ཤེས་རྟོགས་བྱུང་བས།མཚོ་སྔོན་ཞིང་ཆེན་གེ་སར་སྒྲུང་སྲུང་སྐྱོབ་ཞིབ་འཇུག་ལྟེ་གནས་ཀྱི་ཞིབ་འཇུག་མི་སྣ་དྲུག་གིས་རང་མོས་ཞལ་འདེབས་ཀྱི་དམངས་སྒོར1800བསྡུས་ཏེ་ཁོའི་ཁྱིམ་མིའི་ལག་ཏུ་སྤྲད་ཅིང་།ཁོང་ལ་མྱུར་མོར་ནད་ལས་གྲོལ་ཏེ་མུ་མཐུད་དུ་གེ་སར་རིག་གནས་འཕེལ་རྒྱས་ཀྱི་ཕྱོགས་སུ་བྱས་རྗེས་འཇོག་དགོས་པའི་རེ་སྐུལ་བྱས།...