བོད་ཡིག་སྨྱན་སྦྱོར་གསར་འགོད་པའི་སྡེ་ཐོན་ལས་གླིང་དུ་ཕྱིན་པ།

སྤྱི་ཟླ8པའི་ཚེས5ཉིན་རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་སྐབས་ཉི་ཤུ་པའི་གསར་འགོད་པའི་སྡེ་རང་ཁུལ་གྱི་ཐོན་ལས་གླིང་གསུམ་ལ་ལྟ་ཞིབ་ཏུ་ཕེབས་པ་དང་། ཁོ་ཚོ་རིམ་པ་བཞིན་དབུལ་སྐྱོར་ཐོན་ལས་གླིང་དང་། གྲངས་མཛོད་ཆེན་མོའི་གླིང་། འོད་ནུས་གླིང་བཅས་སུ་ཕྱིན་ནས་རང་ཁུལ་གྱི་ཁྱད་ཆོས་ལྡན་པའི་ཐོན་ལས་འཕེལ་རྒྱས་ཀྱི་གནས་ཚུལ་ལ་རྒྱུས་ལོན་བྱས།  
དེ་དག་ལ་སླད་མ་འདྲེས་པའི་བྲོ་བ་མངར་མོ་ལྡན་ཞིང་གཙང་མ་ཡིན་ཞེས་བཤད།དེ་དག་ལ་འགྲེལ་བཤད་བྱེད་མཁན་གྱིས་ཟས་རིགས་ཐོན་རྫས་འདི་དག་ནི་མཚོ་ལྷོ་ཁུལ་སྲིད་གཞུང་གིས་བསྒྲུབ་པའི“832དབུལ་སྐྱོར”འཕྲིན་སྟེགས་སུ་ཐོན་ཡོད་པར་མ་ཟད། ཚང་མས་དྲ་ཐོག་ཏུ་རང་གི་འདོད་མོས་ལྟར་ཉོས་ཆོག་ལ། ད་རུང་དུས་བཅད་ནང་ལྟར་དྲ་ཐོག་ཐད་གཏོང་བྱས་ནས་ཕྱིར་འཚོང་བྱེད་ཀྱིན་ཡོད་པས་ཕན་འབྲས་མངོན་གསལ་བླངས་ཡོད་ཟེར། དེ་དང་བསྟུན་ནས་སྨྱན་སྦྱོར་གསར་འགོད་པ་ཚོས་ཀྱང་ཡུལ་དངོས་སུ་བཟོ་རྩལ་ཐོན་རྫས་དང་ཟས་རིགས་ཐོན་རྗས་སོགས་བསྡོམས་པས་སྒོར་སྟོང་གསུམ་དང་ལྔ་བརྒྱ་ཡི་ཁྱད་ལྡན་ཐོན་རྫས་ཉོས་པ་རེད། 
གྲངས་མཛོད་ཆེན་མོའི་གླིང་དུ་ཐོན་དུས་འགྲེལ་བཤད་པས་གྲངས་མཛོད་ཆེན་མོས་མཚོ་ལྷོ་ཁུལ་གྱི་འཚོ་བ་ལ་ནུས་པ་ཅི་ལྟར་ཐོན་ཡོད་པ་སོགས་ངོས་ནས་མཚམས་སྦྱོར་བྱས་པ་དང་། རྔ་བ་ཁུལ་བརྙན་འཕྲིན་ཁང་གི་ལོ་བྷས་ཀྱང“མཚོ་ལྷོ་ཁུལ་གྱིས་མ་འོངས་པར་གྲངས་མཛོད་ཆེན་མོར་བརྟེན་ནས་གནམ་ས་བླ་འོག་བརྗེ་བ་ལྟ་བུའི་གསར་སྐྲུན་ཆེན་པོ་བྱེད་ཐུབ་ཅེས་གདེང་འཇོག་ཆེན་པོ་གནང་། 
བདེ་ཆེན་བརྙན་འཕྲིན་ཁང་གི་ཡེ་ཤེས་དབང་རྒྱལ་གྱིས་ཀྱང་མཚོ་ལྷོ་ཁུལ་ལ་དམིགས་གཏད་རང་བཞིན་གྱི་འགྱུར་ལྡོག་ཆེན་པོ་ལྡན་པ་མ་ཟད། གོ་སྐབས་ཀྱང་བཟང་བོ་ལྡན་པས་སྔར་ལས་ལྷག་པའི་འབད་བརྩོན་ལ་བརྟེན་ཚེ་མ་འོངས་པར་འཕེལ་རྒྱས་ཀྱི་མདུན་ལམ་ཆེན་པོ་ལྡན་ཞེས་ཚད་མཐོན་པོས་གདེང་འཇོག་གནང་།