༄༅།།སྨར་ཁམས་རྫོང་གི་པི་ཝང་ཞབས་བྲོ་འཛམ་གླིང་གི་ཟིན་ཐོར་བཀོད་པ།

སྤྱི་ཟླ8པའི་ཚེས7ཉིན་གྱི་སྔ་དྲོར། སྐབས་དང་པོའི་ལྗོངས་ཡོངས་ཀྱི་པི་ཝང་ཞབས་བྲོའི་འགྲེམས་འཁྲབ་དང་པི་ཝང་སྒྱུ་རྩལ་སྤེལ་རེས་ཀྱི་བགྲོ་གླེང་ཚོགས་འདུ་དེ་སྨར་ཁམས་རྫོང་སྒར་ཐོག་གྲོང་རྡལ་སྐྱིད་རོང་ཕུརུ་གཟབ་རྒྱས་ངང་མགོ་བརྩམས།
གར་སྟེགས་སུ་སྨར་ཁམས་ཀྱི་ཤང་གྲོང་ཁག་ནས་ཡོང་བའི་ཞབས་བྲོ་འཁྲབ་སྟོན་པ3330ཡིས་ཚོགས་རར་ཕེབས་པའི་སྐུ་མགྲོན་རྣམས་ལ་སྙན་འཇེབས་ལྡན་པའི་པི་ཝང་ཞབས་བྲོ་གཅིག་རྗེས་གཉིས་མཐུད་ངང་ཕུལ་ཞིང་། པི་ཝང་ཞབས་བྲོའི་འགྲེམ་འཁྲབ་ཀྱི་བྱ་འགུལ་ཁྲོད། འགྲན་ཞུགས་པ་མང་པོ་ཞིག་གིས་སྨར་ཁམས་ཀྱི་པི་ཝང་ཞབས་བྲོའི་སློབ་ཁྲིད་འཁྲབ་སྟོན་མཉམ་དུ་ལེགས་སྒྲུབ་བྱུང་བ་དང་། འཛམ་གླིང་གི་ཟིན་ཐོའི་བདེན་དཔང་ར་སྤྲོད་ཁས་ལེན་བྱེད་མཁན་གཞུང་ཕྱོགས་མི་སྣས་གནས་ཡུལ་དངོས་སུ་ཞིབ་བཤེར་བྱས་པ་བརྒྱུད། བྱེད་སྒོ་དེ་འཛམ་གླིང་ཟིན་ཐོའི་འགྲན་སློང་གི་ཚད་དུ་སླེབས་པས། པི་ཝང་ཞབས་བྲོའི་སློབ་ཚན་ཁྲིད་ཡུལ་ཆེ་ཤོས་ཡིན་པའི་འཛམ་གླིང་གི་ཟིན་ཐོར་གཏན་འཁེལ་བྱས།
འཛམ་གླིང་གི་ཟིན་ཐོའི་བདེན་དཔང་ར་སྤྲོད་ཁས་ལེན་བྱེད་མཁན་གཞུང་ཕྱོགས་མི་སྣས་གནས་ཡུལ་དངོས་སུ་ཞིབ་བཤེར་བྱས་པ་བརྒྱུད། བྱེད་སྒོ་དེ་འཛམ་གླིང་ཟིན་ཐོའི་འགྲན་སློང་གི་ཚད་དུ་སླེབས་པས། པི་ཝང་ཞབས་བྲོའི་སློབ་ཚན་ཁྲིད་ཡུལ་ཆེ་ཤོས་ཡིན་པའི་འཛམ་གླིང་གི་ཟིན་ཐོར་གཏན་འཁེལ་བྱས་ཡོད།
སྨར་ཁམས་རྫོང་རྨོག་ཤོད་ཤང་རྨོག་ཤོད་གྲོང་ཚོའི་སྒྲོལ་དཀར་གྱིས་མི་སྟོང་ཕྲག་འཛོམས་པའི་པི་ཝང་ཞབས་བྲོར་བལྟ་ཐུབ་ཆེད། ཐོ་རེངས་ཆུ་ཚོད་ལྔ་པ་ནས་ཡར་ལངས་ཏེ་གྱོན་གོས་གཙང་མ་གྱོན་པ་དང་། བྱེད་སྒོ་སྤེལ་ཡུལ་དངོས་སུ་བསྐྱོད་དེ་ས་གནས་ཡག་པོ་ཞིག་བཟུང་ཡོད། ཁོང་མོས་བྱེད་སྒོ་དེ་ནི་བོད་ལྗོངས་ཡོངས་ཀྱི་དུས་ཆེན་ཞིག་ཡིན་ལ། སྨར་ཁམས་མི་དམངས་ཀྱི་དུས་ཆེན་ཞིག་ཀྱང་རེད། ད་གིན་པི་ཝང་ཞབས་བྲོར་བལྟས་རྗེས། དེས་ང་རང་ཧང་སངས་སུ་བཅུག་པ་དང་། དེ་ནི་ངའི་མི་ཚེའི་ཁྲོད་བརྗེད་པར་དཀའ་བའི་མྱོང་བ་ཞིག་ཡིན་ཞེས་བཤད།