༄༅།།མཚོ་ལྷོ་ཁུལ་གྱི་རིགས་སོ་སོའི་ལོ་ཆུང་བྱིས་པས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར100ལོན་པར་རྟེན་འབྲེལ་ཞུ་བའི་རིག་རྩལ་འཁྲབ་སྟོན་དང་སྔོན་ཐོན་དཔེ་མཚོན་གྱི་གཟེངས་བསྟོད་མཛད་སྒོ་འཚོགས་པ།

      ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ100འཁོར་བར་སྤྲོ་སེམས་འཁོལ་བས་རྟེན་འབྲེལ་ཞུ་རྒྱུ་དང་། ཁུལ་ཡོངས་ཀྱི་རིགས་སོ་སོའི་ལོ་ཆུང་བྱིས་པས་བློ་སེམས་གཅིག་མཐུན་གྱིས་ཀྲུང་གོའི་འདུན་མ་བརྩོན་པའི་སྟོབས་ཤུགས་ཆེན་པོ་སྔར་བས་གཅིག་སྒྲིལ་བྱ་རྒྱུ། མིང་དོན་གཉིས་མཚུངས་ཀྱི“དྲུག་གཅིག”བྱིས་པའི་དུས་ཆེན་ཞིག་རོལ་བ་བཅས་ལ་དམིགས་ནས། ཁུལ་ཨུ་ལ་གོང་ཞུ་བརྒྱུད་ཆོག་མཆན་བཀོད་དེ་གུང་གཞོན་ཚོགས་པའི་མཚོ་ལྷོ་ཁུལ་ཨུ་དང་ཁུལ་ལོ་ཆུང་གདོང་ལེན་རུ་ཁག་བྱ་བའི་ཨུ་ལྷན་གྱིས་ཟླ6པའི་ཚེས1ཉིན་གྱི་དགོང་མོར་ཁུལ་རིག་གནས་སྨྱན་སྦྱོར་ལྟེ་གནས་སུ། མཚོ་ལྷོ་བོད་རིགས་རང་སྐྱོང་ཁུལ་གྱི་རིགས་སོ་སོའི་ལོ་ཆུང་བྱིས་པས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ100འཁོར་བར་རྟེན་འབྲེལ་ཞུ་བའི་རིག་རྩལ་འཁྲབ་སྟོན་དང་སྔོན་ཐོན་དཔེ་མཚོན་གྱི་གཟེངས་བསྟོད་མཛད་སྒོ་གཟབ་རྒྱས་ངང་སྤེལ་བ་རེད།
       ཐེངས་འདིར་འཁྲབ་སྟོན་བྱེད་པའི་ལེ་ཚན་ལ། 《གཞོན་ནུའི་སྟོབས་ཀྲུང་གོའི་སེམས》《དམར་དམག་གི་བུད་མེད་འཐབ་འཛིང་པ་ཆུང་ཆུང》《སྒྲོན་མེ་འོད་ལམ་ལམ་དུ་འཕྲོས་ཏེ་ཕུགས་འདུན་གསལ་བར་བསྟན》《ལོ་ཆུང་དཔའ་བོ་ཝང་ཨར་ཞའོ》《དགའ་སྤྲོའི་རྩྭ་ཐང་།》《ལིའུ་དབྱང་གཙང་པོ》《སྤྲོ་སྣང་ལྡན་པའི་གཅེས་ནོར》《ང་དང་ངའི་མེས་རྒྱལ》《ང་ནི་ཀྲུང་གོ་བ་ཞིག་ཡིན་པས་ང་ལ་ང་རྒྱལ་སྐྱེས》《རིགས་སོ་སོའི་བུ་ཕྲུག་ཁྱིམ་ཚང་གཅིག་ལྟར་བརྩེ》《ཏང་གི་འོད་སྟོང་འབར་བའི་བརྒྱུད་རིམ་ཁྲོད་འཚར་ལོངས་བྱུང་བའི་ན་གཞོན》སོགས་ལེ་ཚན12ཡོད་ཅིང་། རིགས་སོ་སོའི་ལོ་ཆུང་བྱིས་པ་རྣམས་ཀྱིས་སྐྱིད་པའི་གླུ་བླངས་པ་དང་དགའ་བའི་བྲོ་འཁྲབ་སྟེ་དྲུག་གཅིག་བྱིས་པའི་དུས་ཆེན་ལ་རོལ་བའི་ཞོར་དུ། བྱིས་སེམས་ཏང་ལ་ཕྱོགས་པ་དང་ནམ་ཡང་ཏང་གི་རྗེས་སུ་འབྲང་བའི་བསམ་པ་མཚོན་པར་བྱས་ཏེ་གུང་ཁྲན་ཏང་བཟང་པ་དང་། སྤྱི་ཚོགས་རིང་ལུགས་བཟང་པ། བཅོས་སྒྱུར་སྒོ་འབྱེད་བཟང་པ། རླབས་ཆེན་མེས་རྒྱལ་བཟང་པ། རིགས་སོ་སོའི་མི་དམངས་བཟང་པ་བཅས་ཀྱི་ཏང་ཀྱི་སྐལ་བ་ཡག་པོ་ལ་བསྟོད་གླུ་བླངས།          ལེ་ཚན་མཇུག་སྒྲིལ་རྗེས་ལོ་ཆུང་གདོང་ལེན་རུ་མི་ཡོངས་ཀྱིས་མཉམ་དུ་གླུ་གཞས་བླངས་པ་དང་། མཚོ་ལྷོ་ཁུལ་ལོ་ཆུང་གདོང་ལེན་རུ་ཁག་གི་སྤྱི་ཁྱབ་ཟུར་ཁྲིད་པ་རྣམས་གར་སྟེགས་སུ་བུད་དེ་སྐད་ཅོར་བརྒྱབ་ལ། ལོ་ཆུང་གདོང་ལེན་རུ་མི་ཚོས་སྐད་གསང་མཐོན་པོའི་ངང“དུས་དང་རྣམ་པ་ཀུན་ཏུ་གྲ་སྒྲིག་བྱས་ཡོད”ཅེས་ཨ་ལན་བཏབ།