མཚོ་སྔོན་གཏེར་ལམ་ཆུ་ཁོལ་བང་སོའི་རིག་དངོས་འགྲེམས་སྟོན་བྱས།

       ད་ཐེངས་ཀྱི་འགྲེམས་སྟོན་ནང་འགྲེམས་སྟོན་བྱས་པའི་དངུལ་གྱི་ཐམ་ག་དེས་ལྟད་མོ་བ་མི་ཉུང་བ་ཞིག་གི་ཡིད་དབང་བཀུག འབྲེལ་ཡོད་ཆེད་མཁས་པས་ངོ་སྤྲོད་བྱས་པར་གཞིགས་ན། ཐམ་ག་ས་འོག་ནས་ཐོན་པ་དེས་བང་སོའི་བདག་པོའི་ཐོབ་ཐང་གཏན་འཁེལ་བྱ་རྒྱུར་ཆ་འཕྲིན་གལ་ཆེན་མཁོ་འདོན་བྱས་ཡོད་ཟེར།
       ངོ་སྤྲོད་བྱས་པར་གཞིགས་ན། ད་ཐེངས་ཀྱི་འགྲེམས་སྟོན་གྱིས་རིག་དངོས་སྲུང་སྐྱོང་བྱེད་པར་ལོ་རྒྱུས་ཀྱི་དངོས་ཡོད་རང་བཞིན་དང་། དངོས་རྫས་ཀྱི་ཆ་ཚང་རང་བཞིན། རིག་གནས་ཀྱི་རྒྱུན་མཐུད་རང་བཞིན་བཅས་ཨང་དང་པོར་འཇོག་རྒྱུ་མཐའ་འཁྱོངས་བྱས་ཏེ། དར་གོས་ལམ་བུའི་སྟེང་དུ་རིག་གནས་སྤེལ་རེས་དང་ཤེས་དཔལ་ཕན་ཚུན་སློབ་སྦྱོང་བྱེད་པའི་ལོ་རྒྱུས་ཀྱི་རི་མོ་ཞིག་ལྟད་མོ་བའི་མིག་ལམ་དུ་བཀྲམ་ཡོད།